06.04.2017

2017թ. փետրվար-մարտ ժամանակահատվածում թափուր աշխատատեղերի մասին առցանց և ճշգրտված հայտարարությունների վերլուծության մասին արդյունքները

Մասնագիտական կողմնորոշման մեթոդական կենտրոնի տեղեկատվավերլուծական բաժնի կողմից շարունակվում են առցանց կայքերի թափուր աշխատատեղերի վերլուծությունները: Դիտարկվել և վերլուծվել են թափուր աշխատատեղերի մասին հայտարարություններ հրապարակող թվով չորս կայքեր:       

1. myjob.am
2. careercenter.am
3. hr.am
4. jobfinder.am

Ամենապահանջված մասնագիտություններն են.

1. Տեխնիկ-ծրագրավորող
2. Ֆինանսիստ
3. Տնտեսագետ
4. Շուկայագետ/մարքեթոլոգ
5. Հաշվապահ
6. Մենեջեր՝ սպասարկման ոլորտի

Ստորև ներկայացվում է առավել շատ թափուր աշխատատեղ (շուրջ 5) առաջարկող գործատուների ցանկը.

1. «Պանդոկ Երևան»  ՓԲԸ
2. «Անելիքբանկ» ՓԲԸ
3. «FXTM Armenia » ՓԲԸ
4. «Կարաս ազգային սննդի ցանց» ՓԲԸ
5. «Ֆինկա» ՓԲԸ

Վերլուծվել և համադրվել են նաև յուրաքանչյուր մասնագիտության և զբաղմունքի համար գործատուների կողմից ներկայացվող հիմնական պահանջները     /պահանջվող որակավորւմը, մասնագիտական կարողություններ, անձնային որակներ, առանցքային կարողություններ, մասնագիտական աշխատանքային փորձ/:

     Ստորև ներկայացվում է տեխնիկ ծրագրավորողի, ֆինանսիստի, հաշվապահի պահանջվող որակավորումները:

Տեխնիկ-ծրագրավորող մասնագիտության մեջ ամենապահանջված զբաղմունքներից առանձնացվել է անդրոիդ հավելվածների ծրագրավորողի պահանջվող որակավորումը - բարձրագույն կրթություն ինֆորմատիկայի /համակարգչային գիտության/, համակարգչային ճարտարագիտության ոլորտներում:

      Ֆինանսիստ մասնագիտության պահանջվող որակավորումը - բարձրագույն կրթություն /ֆինանսների, տնտեսագիտության, մարքեթինգի և կառավարման/  ոլորտներում:

     Հաշվապահ մասնագիտության պահանջվող որակավորումր - միջին մասնագիտական կամ բարձրագույն կրթություն /տնտեսագիտության, հաշվապահական հաշվառման, ֆինանսների ոլորտում: