Դեսպան Հեֆերնն ամփոփեց«Կանանց մենթորինգ» միջոցառման մեկամյակը

Կանանց պատմության միամսյակը նշանավորելու նպատակով ՀՀ-ում ԱՄՆ դեսպան Ջոն Ա. Հեֆերնը մարտի 27-ին հյուրընկալեց 2013թ. Կանանց մենթորական ծրագրի մասնակիցներին, որոնց թվում էր նաև Մասնագիտական կողմնորոշման մեթոդական կենտրոնի տնօրեն Հայկուհի Գևորգյանը, որպես մենթոր, իր մենթիի՝ Տաթևիկ Սիմոնյանի հետ:

Կանանց մենթորական ծրագիրը մեկնարկել է 2010թ. ՀՀ-ում ԱՄՆ դեսպանատան և Հայաստանի ամերիկյան համալսարանի կողմից: Մենթորները, լինելով կայացած գործիչներ և մասնագիտական հաջողությունների հասած անձինք, օրինակ են ծառայում և իրենց խորհուրդներով օգնում են երիտասարդ խոստումնալից ուսանողուհիներին: 2013թ. ծրագրում ընդգրկված են տարբեր մասնագիտությունների տեր 66 մենթորներ ու մագիստրատուրայի 66 ուսանողուհիներ Հայաստանի Ամերիկյան համալսարանից, Երևանի Վ. Բրյուսովի անվան պետական լեզվաբանական համալսարանից և «Հուսոայգի» երիտասարդ կանանց բարեգործական հիմնադրամից:

Ամերիկյան կանանց պատմության միամսյակը նշվում է մարտ ամսին՝ տուրք տալու համար կանանց՝ հասարակության մեջ ունեցած ներդրումներին: Նախագահ Օբաման վերջերս ելույթ է ունեցել հետևյալ խոսքերով. «Կանանց պատմության միամսյակի ընթացքում մենք նշանավորում ենք այն կանանց հաղթանակները, պայքարը և պատմությունները, ովքեր դարձրել են մեր երկիրն այնպիսին, ինչպիսին այն այսօր է: Մենք ուզում ենք խրախուսել ավելի շատ աղջիկների՝ բացահայտելու իրենց սերը գիտության, տեխնոլոգիաների, ճարտարապետության և մաթեմատիկայի հանդեպ, ինչպես նաև գործողություններ ենք ձեռնարկում՝ ապահովելու տնտեսական հնարավորություններ ամբողջ աշխարհի կանանց համար»:

Սկզբնաղբյուրը՝ kamoblog.TV




Ներբեռնել Arian AMU տառատեսակը