Բուհերում ներդրվել են եվրոպագիտություն, ոստիկանական ...

Բուհերում ներդրվել են եվրոպագիտություն, ոստիկանական գործ, սփյուռքագիտություն մասնագիտությունները

Ներկայումս ավելի մեծ պահանջարկ են վայելում տնտեսագիտություն, իրավագիտություն, միջազգային հարաբերություններ, հանրային կառավարում մասնագիտությունները: Աճի միտում կա նաև տեղեկատվական տեխնոլոգիաներ, ճարտարպետություն, դիզայն մասնագիտությունների գծով: Այս մասին «Առաջին լրատվականի» հետ զրույցում ասաց կրթության ու գիտության նախարարության բարձրագույն ու հետբուհական կրթության վարչության գլխավոր մասնագետ Հասմիկ Առաքելյանը՝ նշելով, թե վերոնշյալ ֆակուլտետներն ավարտածների 60-70 տոկոսն աշխատում է իր մասնագիտությամբ: Դիմորդների քանակը հատկապես աճում է նշված երեք ոլորտներում:

Ինչ վերաբերում է նոր ներդրված մասնագիտություններին, ապա Հ. Առաքելյանն ասաց, որ բուհերում ավելացվել է եվրոպագիտություն մասնագիտությունը՝ մագիստրոսի կրթական աստիճանով, ոստիկանական գործ մասնագիտությունը՝ ոստիկանության բակալավրի, ոոստիկանության մագիստրոսի կրթական աստիճաններով, միջուկային ռեակտորների ֆիզիկա մասնագիտությունը, սփյուռքագիտություն մասնագիտությունը՝ մագիստրոսի որակավորմամբ:

«Ավելացել են նաև որակավորումները՝ ֆիզիկամաթեմատիկական գիտությունների մասնագիտությունների խմբում՝ մեխանիկա մասնագիտության գծով, փիլիսոփայություն ու հոգեբանություն մասնագիտությունների գծով»,- ասաց նա՝ ավելացնելով, որ դա կնպաստի նրան, որ մարզերից եկած շրջանավարտները խնդիրներ չունենան աշխատանքի տեղավորվելիս, այսինքն՝ կունենան և՛ մանկավարժի որակավորում, և ՛ իրենց մասնագիտական որակավորման աստիճանը:

Վերջինս նաև նշեց, որ շուկայի պահանջարկի հիման վրա ներդրվել է միջուկային ֆիզիկա մասնագիտությունը, որը փոխվել է միջուկային ռեակտորների մասնագիտության՝ պայմանավորված վերջինիս պահանջարկով, սփյուռքագիտության մագիստրոսի մասնագիտությունը:

Նա նաև տեղեկացրեց, որ կրթության ու գիտության նախարարությունը ներկայումս ցանկանում է որոշ նոր մասնագիտություններ ներդնել՝ ջերմաէներգետիկա, ատոմային էլեկտրական սարքավորումների ավտոմատացում ու կառավարում, տրանսպորտային ուղիների շինարարություն ու շահագործում: Եթե կառավարությունը հաստատի այս որոշման նախագիծը, ապա, Հ. Առաքելյանի խոսքով, վերոնշյալ մասնագիտությունների գծով մյուս տարի արդեն կկատարվի ընդունելություն:

http://www.armtown.com/news/am/zam/20110810/29627/




Ներբեռնել Arian AMU տառատեսակը